ЭЛЧИН САЙД П.СЭРГЭЛЭН БҮГД НАЙРАМДАХ КЕНИ УЛСААС КУВЕЙТ УЛСАД СУУГАА ЭЛЧИН САЙД ХАЛИМА АБДИЛЛЕ МУХАМУД-ЫГ ХҮЛЭЭН АВЧ УУЛЗАВ
Элчин сайд П.Сэргэлэн 2024 оны 11 дүгээр сарын 21-ний өдөр Бүгд Найрамдах Кени Улсаас Кувейт Улсад суугаа Элчин сайд Халима Абдилле Мухамуд-ыг хүсэлтийнх нь дагуу Элчин сайдын яаманд хүлээн авч уулзав.
Уулзалтын эхэнд Элчин сайд П.Сэргэлэн Монгол Улсын улс төр, нийгэм, эдийн засгийн өнөөгийн байдал, Элчин сайдын яамны Кувейт Улстай хөгжүүлж буй хамтын ажиллагаа, баримталж буй бодлогын талаар товч танилцуулав.
Элчин сайд Халима Абдилле Мухамуд Элчин сайд П.Сэргэлэнд хүсэлтийг хүлээн авч, уулзаж байгаад талархсанаа илэрхийлээд хоёр Элчин сайдын яам хооронд уялдаа, холбоотой ажиллаж, туршлага солилцож байх хүсэлтэй байгаагаа илэрхийлэв.